Hitskin.com

موضوع: ما قيل من أمثال عن الزواج 20/6/2016, 11:07 pm

ـ دوري عكا وارواد ولا تاخدي رجّال عندو اولاد .
ـ الجازة سترة ,
ـ جوّزت بنتي لإرتاح من بلاها ، إجتني وأربعة وراها .
ـ النصيب بدّو مين ينَصّبو .
ـ لا تتجوّز من غير حُبّ .
ـ لا تاخد الطرّاقا ولا النقّاقا .
ـ لا تاخد القرعة ولا بنت بنتها .
ـ لا تاخد حنّانة ولا منّانة ولا أنّانة .
ـ خود الأصيلة ولو كانت ع الحصيرة .
ـ سترة البنت جازتها .
ـ بنت الشرق للغرب وبنت الغرب للشرق .
ـ اسعى بجنازة ولا تسعى بجازة .
ـ خود البنات من صدور العمّات .
ـ اللي بياخد مال من مرا ، بيكون خرا ابن خرا .
ـ شبّ بالسوق ولا حلا بالصندوق .
ـ ان كنتِ خطبتِ نحن تجوّزنا .
ـ العريس أخد العروس وكل مين ع بيتو .
ـ عريس من عود خير من قعود .
ـ يا آخد القرد ع مالو بيروح المال وبيبقى القرد ع حالو .
ـ اللي ما بدّو يحوِّز بنتو بيغلّي نقدا ( المهر )
ـ اللي بياخد من غير ملّتو ، بيموت بيعلّتو .
ـ زوّج بنتك قبل ابنك .
ـ خود من الزرايب ولا تاخد من القرايب .
ـ اللي بيكتروا خُطّابا بتبور .
ـ لا تاخد النطاطة ولو كانت خيّاطة .
ـ دُور الدورة ولو دارِت ، وخود الأصيلة ولو بارِت .
ـ الشرايا لقايا والجازات حظوظ . ( الخبايا لقايا و.............. )
ـ الزواج مُرّ كالصبر لكن ثمرتو حلوة .
ـ الزواج قلعة ، اللي فيها بيتمنى يطلع منها ، واللي برّا بيتمنى يدخلها .
ـ الزيجة اللي بتصيب تلتينها نصيب .
المصدر كتاب أمثال حمص الشعبية تأليف المهندس جورج فارس رباحية الطبعة 1 ــ 2006

» ما قيل من أمثال عن الحما والكنّي
» ما قيل من أمثال عن الحما والكنّي
» ما قيل من أمثال في العرس ( العريس والعروس )
» الزواج المسيحي
» أغرب عادات الزواج

Hitskin.com

ما قيل من أمثال عن الزواج