Hitskin.com

ـ الحماي ما بتحُب الكِنِّة ولو كانت من صدر الجنّة ، والكنة ما تحُب الحماي ولو كانت نازلة من السما
      ـ الحَماية ، يا بتكون حِماية أو بتكون حَمَّاية .
    ـ الكِنِّة إن كَنَّنتيها بتكِن وإن جنَّنتيها بتجِن .
    ـ الكنّة قالت لبيت احماها : طِقُّوا أنا حِبلي ، قالوا : السّهر لعينيكِ والوَخَم لإيديكِ .
    ـ كِنّتي شاطرة بالغَوا وشَمّ الهوا .
ـ يا حما ما كنت كِنّة ؟ قالت كنت ونْسيت .
ـ داروا حمص وحماه ليلاقوا كنّي للحما .
ـ اللي ادرى من الحموات ، العمذات والخالات .
ـ يا كنّي بُكرا بتصيري حما .
ـ حماتو بتحبّو
ـ اللي ما بيقدر ع مرتو ، بيرجع لحماتو .
ـ اللي ما بيقدر ع حماتو ، بيقوم ع مراتو
ـ ان حبّتني حماتي ‘ التنّور ، وان بغضتني ع التنور .
ـ الحما حماي (حمّي) ، وبنت الحما عقربة مسمّة .
ـ مكتوب ع باب الجنة : ما في حما بتحبّ كنّي ، ومكتوب ع باب السما : ما في كنّي بتحب حما
ـ من بين ألف كنّي وحدة بتحب حماتا
ـ من بين الألفين حما وحدة بتحب كنّتا .
ـ الحماي حُمّى ، وبنت الأحمى عقربة وعمّنا الختيار ما بدو يدخل الجنة .
ـ يا كنّتي بكرا بتصيري حماي ، قالت : لبكرا بيفرجها الله .
ـ حماتك بتحبّك ــ مْساح حماتك ( يقال عند الطعام : لمسح ما تبقّى من الأكل في الصحن )

المصدر : كتاب امثال حمص الشعبية الطبعة 1 تاليف المهندس جورج فارس رباحية

» ما قيل من أمثال عن الحما والكنّي
» ما قيل من أمثال عن الزواج
» ما قيل من أمثال في العرس ( العريس والعروس )