نكت حمصية (3)

موضوع: نكت حمصية (3) 14/6/2016, 7:11 pm

21 ـ حمصي قال لخطيبتو : بس زمرّلك بتنزلي ، قالت لو : ياي اشتريت سيارة ؟

قال لها : لأ ، بس اشتريت زمّور .

22 ـ أربعة حماصنة كانوا عم يلعبوا عالأوتوستراد فاتّفقوا : اللي بيندعس أربع مرّات

بيطلع برّات اللعبة .

23 ـ حماصنة عم يعملوا مظاهرة ضد أميركا قاموا لبّسوا واحد صورة بوش وحرقوه .

24 ـ حمصي دخل إلى الصيدلية ومعو ( أصبع ألتيكو ) وعينو مْسَكّرَة ، قال للصيدلي:

عندك أحسن من هالقطرة ؟ .

25 ـ سأل سائح مواطن حمصي في دمشق : ممكن أن تدلّني على شارع 29 أيار ؟ قــال

الحمصي ممكن يا أخي بس قولّي أي سنة ؟

26 ـ حمصي ضاعت محفظته .. راح ع الشرطة . قالوا له : ولا يهمّك .. روح ع البيـت

وإحنا منطالع المحفظة من تحت الأرض ... وهو رايح شاف عمال بلديــة عم تحفر

بالشارع قال لهم : شدّوا حيلكم يا شباب ترى المحفظة لونها بنّي .

27 ـ حمصي أول مرّة بحياته بياكل علكة ، قام حلف يمين ما ينام إلاّ لمّا يخلّصها .

28 ـ وحدة حمصية قال لها أبوها إجاكي أخ صغير ، قالتلو : بذمّتك ؟ لاتقول لأمي خليها

مفاجـــأة .

29 ـ حمصي ومرتو تبنّوا ولد من الهند ، وبلّشوا يتعلّموا هندي منشان لمّا يكبر الولد يفهموا

عليــــه .

30 ـ الحمصي شلون بيشحن موبايلو ؟ بالقدموس للشحن ( شركة نقليات) .

31 ـ في 7 حماصنة عملوا فرقة سمّوها الشجعان الثلآثة .

32 ـ في مجموعة علماء حماصنة قرّروا أن يعملوا أبحاث على ضفدع ، فقطعوا له أوّل رِجْلْ

وقالوا له : نُطْ آم نط . قطعوا له تاني رِجْلْ وقالوا له: نُطْ آم نَط . قطعوا له تالت رِجْـلْ

وقالوا له: نُطْ آم نَط . قطعوا له رابع رِجْلْ وقالوا له: نُط ما نَط . فكتبوا نتيجة البحث :

إنّو إذا قُطِعَت الرِجْلْ الرابعة للضفدع فإنه يفقد حاسة السمع .

33 ـ راح شامي لعند بيّاع فلافل حمصي :

الشامي : اعطيني 3 ساندويشات فلافل بدون مخلّل .

البائع الحمصي : ما عندي مخلّل ، ساويلك اياهُن بدون بندورة ؟

34 ـ حمصي لحق حرامي ، فسبقه .

35 ـ حماصنة سمعوا بقدوم عاصفة على حمص ، فكتبوا عند أول حمص : درعا ترحّب بكم

36 ـ ليش أسعد أكل رغيف كامل ؟ لأنّو كامل أكل رغيفو .

37 ـ حمصي فات ع الحمّام شاف قشّاطة ، قال : وليييي كُل هاي شفرة حلاقة ؟

38 ـ ليش الحماصنة بزيّتو الشجر ؟ منشان ما يزقزقو العصافير .

39 ـ سألوا الحمصي من وين بيستخرجو السمسم ؟ قلّن : من البرازق ( نوع من الحلويات ).

40 ـ الحمصي ليش بيركض بالبوط لمّا بيشتريه ؟ منشان يجرّبو إذا سريع ولاّ لأ .